2 فرنچائزز کی ریکارڈ فروخت اور غیرملکی سرمایہ کاروں کی دلچسپی کے بعد ملتان سلطانز کو لینے میں خواہشمند سامنے آئے ہیں: ذرائع/ فائل فوٹو
لاہور: پاکستان کرکٹ بورڈ (پی سی بی) نے ملتان سلطانز کی بھی نیلامی کا فیصلہ کر لیا۔
ذرائع کے مطابق پی سی بی نے پی ایس ایل 11 میں ملتان سلطانز کے معاملات خود چلانے کا اعلان کیا تھا جب کہ اب نئی پیشرفت کے مطابق پی سی بی اب ملتان سلطانز کو بھی فروخت کرے گا۔
ذرائع نے بتایا کہ پی ایس ایل کی 2 نئی ٹیموں کی آکشن پی سی بی کی توقعات سے بڑھ کر رہی، 2 نئی ٹیموں کی اچھی قیمت ملنے کی وجہ سے اب ملتان سلطانز کی بھی آکشن کا فیصلہ کیا گیا ہے۔
یہ بھی پڑھیں
- پی ایس ایل کی 2 نئی ٹیمیں خریدنے کیلئے دنیا کے 5 براعظموں سے 12 پارٹیاں سامنے آگئیں
- ‘ اصولوں سے سمجھوتا نہیں کرسکتا’، علی ترین کا ملتان سلطانز سے علیحدگی کا اعلان
- ملتان سلطانز کے مالک علی ترین نے پی سی بی کا لیگل نوٹس پھاڑ دیا
ذرائع نے یہ بھی بتایا کہ پی سی بی سمجھتا ہے کہ ملتان سلطانز کو فروخت کرنے کا اس سے اچھا وقت نہیں، ملتان سلطانز کی بھی اوپن بڈنگ ہو گی، جس کے لیے جلد اشتہار دیا جائے گا اور قانونی پہلوؤں کا جائزہ لینے کے بعد جلد باضابطہ اعلان کیا جائے گا۔
ذرائع کے مطابق 2 فرنچائزز کی ریکارڈ فروخت اور غیرملکی سرمایہ کاروں کی دلچسپی کے بعد ملتان سلطانز کو لینے میں خواہشمند سامنے آئے ہیں، جس کے بعد ملتان سلطانز کو آکشن میں اچھی قیمت میں فروخت کے لیے پی سی بی پر امید ہے۔
واضح رہے حالیہ آکشن میں پی سی بی نے پی ایس ایل کی دو نئی ٹیمیں فروخت کی ہیں، اس بار پی ایس ایل 11 میں 8 ٹیمیں ہوں گی جس میں حیدر آباد اور سیالکوٹ کی ٹیم بھی شامل ہے۔
